Modullar

Modullar

İşinizi rahatladacaq proqram komponentləri

Xəstə Qeydiyyatı | Qeydiyyat Modulu

Xəstəxanaya müraciət etmiş xəstələrin ilkin qeydiyyatının aparılması, arxivləşdirilməsi və xidmətlərə yönləndirilməsi üçün nəzərdə tutulmuşdur. Müraciət etmiş xəstənin ilk olaraq adı sistemdə axtarılır, əgər xəstə öncədən xəstəxanaya müraciət etməyibsə adına sistemdə qeydiyyat açılır. Sonrasında isə xəstənin istəyinə uyğun olaraq həkim müayinəsi və ya digər şöbə xidmətlərinə uyğun olaraq xidmətlər açılmış protokola əlavə edilir. Sonrasında əlavə edilən xidmətlərin qəbzi çap edilərək xəstə Kassa şöbəsinə yönləndirilir.

Anbar Modulu

Xəstəxana daxilində əsas və şöbə anbarlarının idarəsini asanlaşdırır. İstəyə görə bir neçə əsas anbar yaratmaq imkanı ilə işinizi daha da rahatlaşdırır. Anbar vəziyyətinə görə müxtəlif statistik məlumatlar toplanmış bir neçə ekranla istədiyiniz məlumatları əldə edə bilərsiniz. Kiçik şöbələrin istəklərinin qarşılanması, izlənməsi əsas anbarı idarə edən anbardara verilmiş bir ekrandan mümkündür.

Anbar Tələb Modulu

Modul xəstəxanada istifadəyə verilmiş şöbə anbarlarının idarəsi üçün nəzərdə tutulmuşdur. Hansıki, ehtiyac yarandığı zaman şöbələr arası transferdən istifadə edərək istənilən məhsulu transfer etmək mümkündür. Kiçik şöbədən məsul şəxslər eyni modul üzərindən əsas anbardan istək edir, iadə edir və həmçinin sərf olunan məhsulları fire itki qəbzi ilə şöbədən çıxışını verə bilir.

Stasionar Qeydiyyat Modulu

Xəstəxana daxilində yatış şöbəsinin heç bir şöbədən asılı olmadan xəstələrin yatış – çıxış prosedurlarını izləməsi üçün nəzərdə tutulmuşdur. Həkim müayinə sırasında yatış qərarı verirsə, öz istifadə etdiyi modul üzərindən istək yaradır. Bu istək birbaşa yatış tələbləri bölümündə öz əksini tapır. Yatış şöbəsi istifadəçisi bu bölümdən davam edərək xəstənin yatışını tamamlaya bilər. Əgər planlı əməliyyat üçün yatış veriləcəksə, istifadəçi xəstənin adını modul üzərindən axtarış edərək yatış prosedurunu tamamlayır. Eyni zamanda xəstənin çıxışını da həkim və ya tibb bacısı evə çıxış istəyi etdikdə, evə çıxış tələbləri bölümündə xəstənin adı görünür. Bu bölümdən xəstənin çıxışı təsdiqlənir.

Stasionar Epikriz Modulu

Xəstəxanada yatışı verilmiş xəstələrə epikrizlərin dəqiq yazılıb, təhvil verilməsi üçün hazırlanmış moduldur. Həkim yatan xəstənin məlumatlarını əlavə etdikdə birbaşa epikriz moduluna yüklənir. İstənilən düzəlişlər əlavə edilib epikriz verilə bilir. Eyni zamanda istəyə bağlı olaraq şablon yaradılıb, şablonlardan istifadə edərək epikriz yazıla bilər.

Stasionar Xidmət Modulu

Xəstəxanada yatışı verilmiş xəstələrin istər həkim, istərsə də tibb bacıları tərəfindən izlənib, keçdiyi prosedurların işlənməsi üçün yazılmış moduldur. Modula daxil olarkən, hansı şöbədən çalışırsa istifadəçi həmin şöbəyə giriş edir. Xəstənin adı axtarılır, və istənilən prosedurlar xəstə protokolu üzərində aparılır. Xəstə başqa şöbəyə keçirildikdə proqram üzərindən şöbəyə transfer edilə bilir. Xəstəyə istifadə edilən dərman və tibbi sərflərdə həmiçinin bu modul üzərindən tibb bacısı tərəfindən əlavə edilir.

Əməliyyatxana Modulu

Əməliyyat edilməsi nəzərdə tutulan xəstələrə ilk növbədə həkim tərəfindən planlama edilib əməliyyatxana moduluna yönləndirmiş olur. Sonra isə əməliyyatxana modulunda xəstənin proseduru gerçəkləşdirildikdə məlumatlar ona görə tənzimlənir.

Həkim Müayinə Modulu

Həkimlərin gündəlik müraciət etmiş xəstələrini izləməsi, müayinə və müalicəsini qeyd etmək imkanı yaradır. Həkim modula daxil olduqda, iki pəncərədə xəstə siyahısı görür. Gözləmədə olan və prosedura alınan xəstələr. Gözləmədə olan xəstəni qəbul etdikdə, xəstənin adı prosedura alınan xəstələr siyahısına əlavə olunur. Xəstənin müayinə sırasında bütün məlumatları, diaqnoz, resepti, müalicəsi və s. kimi yazılır. Əməliyyat ehtiyacı yaranarsa yatış istəyi edilir. Müayinə bitdikdən sonra, müayinə kartı bağlanır.

Həkim Tablet Modulu

Xəstənin izlənməsi üçün nəzərdə tutulmuş, eyni zamanda daha detaylı və dəqiq nəticələrin giriş edilməsi üçün təmin edilmişdir.

Direktor Modulu

Xəstəxanada aparılan bütün işləmlərin statistik nəticələrinin izlənməsi üçün yazılmışdır. Əsas səhifədə bölümlərin adları yazılmış butonlar və qiymətləri əks olunmuşdur. Hər butona daxil olduqda isə məlumatları əldə etmək mümkündür. Direktor digər modullardan istifadə etmədən məlumatların yekun nəticəsini görə bilir.

Səlahiyyət Vermə Modulu

Xəstəxanada proqramdan istifadə edən bütün istifadəçilərin istifadəçi adlarının aktivləşdirilməsi və səlahiyyətlərinin verilməsi üçün nəzərdə tutulmuşdur.

Parametrlər Modulu

Xəstəxana qurulumunun tamamının asanlıqla idarəsini təmin edir. Parametrlər Modulu özündə “Səlahiyyət Verilən Prosedurlar”, “Ümumi Təsvirlər”, “Log Əməliyyatları”, “Həkim Prosedurları”, “Randevu Prosedurları”, “Təşkilat Prosedurları” bölümlərini cəmləyir. “Səlahiyyət Verilən Prosedurlar” bölümü köməyi ilə itifadəçi təsvir etmək, ona rol yaratmaq və müxtəlif səlahiyyətlər vermək olur. “Ümumi Təsvirlər” bölümündə xəstəxananın ümumi, daxili və xarici prosedurlarının təsviri üçün bütün funksiyalar var. “Log Əməliyyatları” hissəsində xəstəxana istifadəçilərinin sistemə giriş, çıxış və sistem üzərindən işlədiyi prosedurları izləmək mümkündür. “Həkim Prosedurları” menyusu bizə xəstəxana daxilində və xaricində işləyən həkimlərin təsvirini, qruplara görə ayırımını və s. əməliyyatların görülməsini təqdim edir. “Randevu Prosedurları” hissəsi xəstələrin əvvəlcədən həkimlərə yazılma, şablon təsvir etmə imkanı verir. “Təşkilat Prosedurları” menyusu təşkilat təsviretmə, təşkilatları qruplaşdırma və təşkilata görə endirim təyin etmə kimi funksiyaları özündə cəmləşdirir. Zamanla istənilən dəyişiklikləri xəstəxana daxilində həll etmək mümkündür.

Kassa Təhlil Modulu

Günlük,aylıq yaradılmış kassaların izlənməsi,hesabatlarının aparılması üçün istifadə edilir. Açıq və bağlı kassalar olaraq qruplara bölünür. Gün sonu, iş bitimində xəzinədarlar kassa çıxarışı sənədi və əllərində olan ödənişlərlə pulu təhvil verdikdə,düzgünlük yoxlanıb kassa bağlanır. İstəyə uyğun olaraq öncəki tarixlərə geri dönərək,istənilən kassanın məzmununa baxmaq imkanı vardır. Həmçinin tarix aralığı seçimi edərək ümumi dövriyyəni izləmək mümkündür.

Komissiya Modulu

Xəstəxanada fəaliyyət göstərən, həmçinin kənardan xəstə yönləndirən həkimlərin tarix aralığı seçimi ilə bonusunun hesablanması üçün nəzərdə tutulub. İlk öncə xəstəxana bizim şöbənin işçilərinə hesablama üçün lazım olan sxemi verir. Bizim əməkdaş tərəfindən həkimlərin parametrləri əlavə edilir. Hesablamaya hazır olduqda şöbəyə təlim verərək, test edilməsi üçün təhvil verilir.

Xərc Modulu

İstifadə edilmiş xərclərin modul üzərindən sistemə daxil edilərək, ehtiyac yarandığı halda tarix aralığı əsasında izlənməsi mümkündür. Xərc qruplarının adı xəstəxana tərəfindən verilir, qruplar hazırlanır. İstifadə edəcək istifadəçiyə təlim verilərək təhvil verilir. Xərclər əlavə edilərkən hansı kassadan ödəniş edilibsə kassanın adını seçim edir. Xərclərin təsdiqi isə direktor tərəfindən təsdiqlənir.

Faktura Nəzarət Modulu

Modul şöbəsindən asılı olmayaraq xəstəxanaya giriş etmiş xəstələrin tam şəkildə fakturasını çap etmək imkanı yaradır. Xəstəxanaya müraciət etmiş ambulator, stasionar xəstələrin fakturaları kəsilib, çap edilə bilir. Eyni zamanda Təcili faktura ekranında xəstəyə anlıq, faktura kəsilmədən faktura çıxarıla bilər.

Marketinq Modulu

Kənar xəstəxanalarda fəaliyyət göstərən həkimlərin yönləndirmiş olduğu xəstələrin,istifadə edilmiş xidmətlərin izlənməsi üçün nəzərdə tutulmuşdur. Marketing menecerlərinin öz səlahiyyətində olan həkimlərin aylıq fəaliyyətini görmək və nəzarət etmək imkanı vardır. Tarix aralığı seçimi edərək istər müayinə istərsə də yönləndirən həkimə görə siyahı gətirmək mümkündür. Eyni zamanda xəstə protokol no, ad, soyad və s. kimi kriterlərə görə xəstə axtarışı etmək olar.

Randevu Modulu

Randevu modulu vasitəsi ilə öncədən randevuların təyin edilib, xəstələrin çox gözləməsinin qarşısını almaq olar.

Qan Bankı Modulu

Qan və qan məhsullarının izlənməsini təmin edəcəkdir. Qan mərkəzi tərəfindən edilən qan istəklərinin hazırlanması və müvafiq bölməyə göndərilməsi prosesləri modulda qeyd edilir, tarix, şəxs və məhsul detalları ilə izlənilir. Donor məlumatları, stok giriş məlumatları, məhsul dövriyyəsi məlumatları da bir modul ilə izlənilmə üstünlüyünü təmin etməkdədir.

Laboratoriya (LİS) Modulu

İstər tam avtomat, istərsə də yarı avtomat cihazlarla istifadəsi çox asan qurulmuşdur. Xəstələrin analizlərinin yerində işlənib,sistemə daxil edilməsi,həkim təsdiqi əsasında bütün şöbələrə sistem üzərindən ötürülməsi təmin edilmişdir. Modul ümumilikdə 3 bölüm tərəfindən istifadə edilir. Qan alma şöbəsi İstifadəçi girişi bölümündən xəstənin adına əlavə edilmiş analizlərin barkodlarını çap edib nümunələri Nümunə qəbul şöbəsinə göndərir. Nümunə qəbul şöbəsinin istifadəçisi isə Nümunə qəbul ekranından şöbəyə göndərilmiş nümunələri sistemə qəbul edir. Son olaraq Laborant girişi ekranından həkim və ya laborant analizlərin cavablarının işlənib təsdiqlənməsini təmin edir. Təsdiqlənmiş bütün nəticələr isə Nəticələr modulu üzərindən xəstələrə təhvil verilir.

Radiologiya Modulu

Şüa diqnostika şöbəsinə aid ola biləcək istənilən xidmətin dəyərləndirilib, rapor yazılması mümkündür. Qeydiyyat şöbəsindən xəstənin adına əlavə edilən xidmət Kassa şöbəsindən ödənişi tamamlandıqdan sonra Radiologiya şöbəsindən xəstəni qəbul etmək olur. Xəstə prosedurdan keçdikdən sonra nəticəsi sistem üzərindən istər şablon istərsə də yeni rapor şəklində yazıla bilir. Şablon raporlar öncədən hər bir xidmətə uyğun olaraq əlavə edilə bilər. Həkim yazdığı raporu təsdiq etdikdə isə digər şöbələrə sistem üzərindən ötürülməsi təmin edilmişdir. Eyni zamanda Nəticələr modulu üzərindən xəstələrə raporları təhvil verilə bilir.

PACS (Radiologiya Görüntüləmə və Arxiv Sistemi)

Şüa diaqnostika şöbəsindən xidmətdən keçmiş bütün xəstələrin nəticələrinin çəkilişi bitən kimi nəticəsinə baxmaq imkanı yaradır.

İnsan Resursları Modulu (Barmaq izi ilə)

İşçilərin giriş-çıxış vaxtlarının izləmələrini aparmaq imkanı yaradır.

Kassa Modulu

Qeydiyyatdan keçmiş xəstələrin ödənişlərini tamamlamaq üçün istifadə edilir. Hər gün başlanğıcında yeni kassa açılır və günlük kassa hesabatları yaranır. İstifadəçi asanlıqla ambulator və stasionar xəstələri siyahıya alaraq ödənişi edə bilir. Qeydiyyatadan yönləndirilmiş xəstələrin ödənişləri tamamlandıqdan sonra qəbz çap edilərək xəstəyə təhvil verilir, və müvafiq şöbəyə yönləndirilir. Gün sonu,iş bitimində isə kassa çıxarışı çap edilərək əldəki ödənişlər baş xəzinadara təhvil verilir.

Ümumi Statistika Modulu

Xəstəxanada aparılan bütün işləmlərin statistik məlumatları cəmlənmişdir. İstənilən anda, istənilən tarix aralığı əsasında statistika əldə etmək mümkündür. Səlahiyyətə bağlı olaraq istifadəçilərə müxtəlif ekranların istifadəsinə icazə verilə bilər.

Nəticələr Modulu

Radiologiya və Laboratoriya modulları üzərindən yazılmış bütün nəticələrin həkim təsdiqi tamamlandıqdan sonra çap edilərək xəstələrə verilməsini təmin edir. Tarix aralığı ilə öncəki tarixlərin xəstə siyahıları gətirilir. Protokol no, ad, soyad və s. kimi məlumatlarla isə xəstənin adını axtarış etmək olur.

İnventar Modulu

Xəstəxanada istifadəyə verilmiş inventarların hansı istifadəçiyə və ya otağa istifadəyə verildiyini qeyd edib, istənilən halda baxıb yerini təyin etməyə kömək edir. İlk xəstəxanada olan istifadəçilərin, şöbə və otaqların qeydiyyatı aparılır. Sonrasında isə hansı inventar kimə və ya hansı otağa təhkim edilirsə, sistem üzərindən qeydiyyatı aparılır. İşçi işdən ayrıldıqda məhsulu geri iadə edə bilir və ya istifadəsi zamanı məhsulda hər hansı nasazlıq yaranarsa sistem üzərindən qeyd edilir.

İcbari Tibbi Sığorta Modulu

Xəstə və xidmət məlumatları, reyestrlərin, sığorta təşkilatına görə statistikanın verilməsi, fakturaların çıxarılması, xidmət paketlənməsi, eyni zamanda xidmət qiymətinin xəstə və sığorta arasında parametrik tənzimlənməsini artıq bir modulda görə biləsiniz.

Arxiv Modulu

Qanunvericiləyə əsasən xəstələrin saxlanılmasına qadağa olmayan sənədlərinin, məlumatlarının bir modulda cəmlənməsi, indiki zaman və gələcəkdə sənədlərə rahat və əlçatan ola bilinməsi üçün, tam təhlükəsiz və konfidensiallığı qoruyan təqib sistemi olaraq istifadə edilməkdədir.